Kulturë

Vdekja e autorit

Zoti R.R., shkrimtar i panjohur dhe aspak i rëndësishëm për qytetin tonë, u gjet i vdekur të premten e një mesdite janari. I gjakosur kokë e këmbë, e kishte takuar vdekjen, për të cilën kishte shkruar sa e sa vepra.

Ai nuk e kishte pasur ndërmend të vdiste, së paku jo në orët e mesditës, në të cilat shkruante dhe trillonte ngjarje koti, ku zakonisht dikush vdiste. Por, ja që ajo me të cilën tallej me penën e tij, i ishte shfaqur njëmendësisht.