Kulturë

“Rebelët, besimtarët, të mbijetuarit…” për shqiptarët në pesë shekuj

“Rebelët, besimtarët, të mbijetuarit…” për shqiptarët në pesë shekuj
Pak muaj pas botimit në origjinal, “Botime Artini” ka sjellë në shqip librin më të ri të historianit nga Mbretëria e Bashkuar. Në librin “Rebelët, besimtarët, të mbijetuarit: Studime mbi historinë e shqiptarëve”, Noel Malcolm sjell një përmbledhje studimesh mbi historinë shqiptare nga shekulli i pesëmbëdhjetë gjer më sot
 

Për historianin britanik Noel Malcolm, historia e tokave shqiptare është ligsht e njohur dhe pak e studiuar, “një fakt zhgënjyes, por jo edhe befasues”. Pasojë e një shpërfilljeje dhe ndjesie izolimi gjatë kohës së komunizmit, megjithatë tokat shqiptare, sipas historianit të njohur, kanë një histori të gjatë të ndërveprimit me të tjerët. 12 studime që rrokin një varg temash interesante shqiptare – të tilla prej shekullit të pesëmbëdhjetë e deri te shkërmoqja e mitit serb për të ashtuquajturën “dyndje e madhe” – ndërthuren edhe me politika të ndërliqshme ndërkombëtare, pikëtakimin mes krishterimit dhe islamit, si dhe çështjen e identiteteve

Gjatë një gjysmëshekulli të kaluar nën zgjedhën e komunizmit, Shqipëria mbeti më e shpërfillur se kushdo tjetër. Por një kundrim mes për mes historisë shumëshekullore shqiptare shpalos përmasa të pafundme bashkëpunimi e lidhje me të tjerët.