Kulturë

“Artistët për artistin” nëpër Kosovë me art e solidarizim

Atelieja “Speak Easy” hapi dyert gjatë pandemisë dhe u bë nikoqire e veprave dhe diskutimeve për artin
 

Për rreth dy muaj, çdo të enjte, artistët janë bashkuar duke respektuar distancën në kafenenë “Speak Easy” në kryeqytet. Por nga aty veprat do të rrugëtojnë nëpër galeri të qyteteve të tjera të Kosovës. “Edhe një javë jemi këtu dhe pas kësaj do të vazhdojmë nëpër atelietë e kolegëve nëpër Kosovë. Do të fillojmë me Suharekë, pastaj Rahovec, Prizren, Klinë, Mitrovicë dhe qytete të tjera. Në mars planifikojmë ta bëjmë koloninë artistike”, ka thënë arkitekti Veton Gusia, iniciator i nismës e pronar i “Speak Easy”

Në kohën kur pandemia u bë kryefjala e vitit, arkitekti Veton Gusia qysh në ditët e para, kur dolën rastet e infektimeve me koronavirus, hapi në Facebook grupin e titulluar “’Ngujimi’ Viza+Covid-19 Arti, kultura gjatë ‘ngujimit’”. Ky grup tanimë numëron mbi 880 anëtarë, e ata që iu rrekën realizimit të veprave të artit gjatë këtyre ditëve e mbajnë aktiv atë, duke publikuar vazhdimisht punime.