Kulturë

“Raif Hyseni 24” shkrin meloditë shqiptare me të popujve të tjerë

“Raif Hyseni 24” shkrin meloditë shqiptare me të popujve të tjerë
“Pastaj këtë album sikur edhe ‘24 orë’ ta dëgjosh, njeriu gjithmonë gjen elemente gëzimi, qetësie, kënaqësie, sfidë, të panjohura që duhen të njihen, mallëngjim, emocione, dashuri, vuajtje dhe histori. Arsyeja tjetër është se floriri me kualitativ është floriri 24 karatësh, prandaj si emërtim i tillë unë mendoj që edhe vlerën e ka të tillë, sepse të gjithë këta muzikantë që kanë luajtur në ketë album janë 24 karatë”, ka thënë kompozitori Raif Hyseni, i cili ka bashkëpunuar me 28 artistë për albumin “Raif Hyseni 24”
 

Bashkëpunimi me 28 instrumentistë të tjerë nga Evropa, Amerika e Azia u jep kompozimeve të Raif Hysenit një shtrirje me të gjerë. Albumi i tij ruan frymën tradicionale, por prek edhe modernen. Gjatë dëgjimit të krijon përshtypjen se i takon një zhanri a periudhe të caktuar, por kompozimi është i tillë që çdo emërtim do ta kufizonte paskajsinë e muzikës. Albumi që nga fundjava është i qasshëm online në ueb-faqen e artistit

Në mjeshtërinë kompozuese të instrumentistit Raif Hyseni qëndron gërshetimi i thesarit të muzikës shqiptare me atë të kulturave të tjera. Albumi i tij i ri “Raif Hyseni 24” është një udhëtim në kohë përmes muzikës. Në 15 kompozimet e tij, thekson me kujdes veçoritë e muzikës shqiptare. Në një formë sikur ia bën më dije publikut për lashtësinë e muzikës shqiptare. Por nuk e lë vetëm në antikitet. Bashkëpunimi me 28 instrumentistë të tjerë nga Evropa, Amerika e Azia u jep kompozimeve të tij një shtrirje me të gjerë. Albumi ruan frymën tradicionale, por prek edhe modernen. Gjatë dëgjimit të krijon përshtypjen si i takon një zhanri a periudhe të caktuar, por kompozimi është i tillë që çdo emërtim do ta kufizonte paskajsinë e muzikës. Albumi është promovuar më 21 dhjetor përmes një ndeje në “Zoom”, për shkak të pandemisë, dhe që nga fundjava është i qasshëm online në ueb-faqen e artistit.