Kulturë

Një adresë për ofertën e shumëllojshme të Prishtinës

Qytet i vogël, me zemër të madhe dhe karakter shumëngjyrësh, është një prej përshkrimeve që i bëhet jo rrallë kryeqytetit të Kosovës, veçmas nga të huajt. Mesazhi i ngjashëm është përcjellë në forma të ndryshme edhe të mërkurën gjatë promovimit të brendit dhe platformës turistike për kryeqytetin.

 

Qytet i vogël, me zemër të madhe dhe karakter shumëngjyrësh, është një prej përshkrimeve që i bëhet jo rrallë kryeqytetit të Kosovës, veçmas nga të huajt. Mesazhi i ngjashëm është përcjellë në forma të ndryshme edhe të mërkurën gjatë promovimit të brendit dhe platformës turistike për kryeqytetin.

Në aktivitetin e mbajtur në “Kino Armata” është prezantuar ecuria e krijimit të kësaj platforme dhe është lasnuar uebfaqja “InPrishtina.com”. “Prishtina është shtëpia jote”, është slogani i kësaj platforme që synon të sjellë shumëllojshmërinë dhe dinamikën e Prishtinës. Duke i qëndruar besnik këtij qëllimi është realizuar edhe logoja e cila ka bashkëdyzuar shkronjën “P”, që simbolizon Prishtinën, “I”, që simbolizon “Informimin” dhe simbolin e zemrës, për të shprehur dashurinë që kanë njerëzit e kryeqytetit dhe gjithë kjo është bashkuar edhe me pamjen e një njeriu që tregon “mikpritjen” dhe gatishmërinë për të ndihmuar këdo që ia mësyn kryeqytetit.