Kulturë

Nëse planeti ynë mbijeton…

Nëse planeti ynë mbijeton…
Foto: Driton Paçarada / KOHA

Peticioni i artistëve, intelektualëve dhe shkencëtarëve (fitues çmimesh “Nobel“ për biologji e mjekësi) nga më eminentët evropianë e amerikanë, i publikuar së voni, sërish ngriti shqetësimet për “katastrofën ekologjike në rrjedhë e sipër që ka të bëjë me një ‘meta-krizë’”, e cilësuar me “zhdukjen masive të jetës në tokë”, që shpërfaqet nëpërmjet “një rrezikimi ekzistencial të drejtpërdrejtë”.

Ata kritikojnë apelet e qeveritarëve, në radhë të parë të vendeve të zhvilluara, që flasin për nevojën e “kthimit në gjendje normale”, duke injoruar qëllimisht jo vetëm rreziqet nga pandemia, e cila vazhdon të bëjë kërdi në shumë vende të botës, por edhe rreziqet ekologjike që cenojnë vetë themelet dhe mundësitë e ripërtritjes së jetës në tokën tonë.