Kulturë

“Historiku i rock muzikës në Mitrovicë” si kapitull i zhvillimit kulturor

“Historiku i rock muzikës në Mitrovicë” si kapitull i zhvillimit kulturor

Ishte viti 1967 kur muzika që trashmë kishte pushtuar botën do të niste të jepte frytet e veta edhe në Kosovë. “FAN”, do të pagëzohej grupi që bëri tok rioshët krejt të veçantë prej rrethit. Emri i këtij grupi do të ishte i pari në listën e atyre që nisën të bënin rock shqip në qytetin e minatorëve.

Më pas, shpërthimi i grupeve të reja qe i vrullshëm. Pikërisht hulumtimi për nismëtarët e rockut në qytetin e “Trepçës” ka qenë zanafilla e librit të dy adhuruesve të këtij zhanri, Arben Ademi dhe Vejsel Abdurrahmani. E kanë titulluar “Historiku i rock muzikës në Mitrovicë”, dhe është një vepër dokumentare për një kapitull të zhvillimit të muzikës në Kosovë “gjatë viteve 1960-1998”, siç është edhe nëntitulli i librit.