Kulturë

Filarmonia anulon koncertet e prillit, shtyhet paraqitja në Hungari

Filarmonia anulon koncertet e prillit, shtyhet paraqitja në Hungari

Një prezantim i pastër kulturor, pa agjenda politike pas vetes, ishte konsideruar koncerti i Filarmonisë së Kosovës në Hungari, i paraparë të mbahej më 22 prill në sallën “Kodaly” në Pécs të Hungarisë, që cilësohet të jetë një prej sallave me akustikën më të mirë në Evropë.

Mirëpo, ky koncert me rëndësi të veçantë për institucionin më të lartë të muzikës në vend, që sivjet shënon 20-vjetorin e themelimit, është anuluar për shkak të pandemisë së virusit COVID-19. Biletat gati qenë shitur qysh në janar. Koncerti i 22 prillit është i treti me radhë që Filarmonia e anulon për shkak të koronavirusit.