Kulturë

Andrew Jack, aktori i filmave “Star Wars” vdiq nga koronavirusi

Andrew Jack, aktori i filmave “Star Wars” vdiq nga koronavirusi

Trajneri i njohur i dialektit, Andrew Jack, vdiq të martën në një spital në Surrey, pas betejës me koronavirusin. Jack i cili njëherësh njihej si aktor i filmave “Star Wars”, ishte 76-vjeçar.

Agjentja e tij, Jill McCullough tha përmes një komunikate për media: “Andrew Jack vdiq sot në mëngjes nga COVID-19, në spitalin “St Peter's”. Ai shquhet si person tejet i pavarur i cili e adhuronte gruan e tij, Gabrielle Rogers, me të cilën e ndante të njëjtin profesion. Fatkeqësisht ajo është ngujuar në karantinë në Australi, ku kishte udhëtuar javën e kaluar nga Zelanda e Re. Ajo nuk pati mundësi ta shoh ose të flasë me të në minutat e fundit të vdekjes, dhe ka gjasa që të mos ketë funeral për të ndjerin.”