Kulturë

Fazli Gajraku merr mandatin e dytë të drejtorit të Bibliotekës Kombëtare “Pjetër Bogdani”

Fazli Gajraku merr mandatin e dytë të drejtorit të Bibliotekës Kombëtare “Pjetër Bogdani”
 

Prishtinë, 26 shkurt – Fazli Gajraku të martën ka hyrë në zyrën e tij, në Bibliotekën Kombëtare të Kosovës “Pjetër Bogdani”, si drejtor i rizgjedhur i këtij institucioni.

Këshilli Drejtues i BKK-së e ka vlerësuar atë me 91,6 pikë duke u renditur i pari në raport me kundërkandidatët e tij. Ia ka dalë që të jetë larg më i mirë me pikë sesa herën e parë, kur ishte zgjedhur drejtor në shtator të vitit 2015. Asokohe kishte 63,37 pikë. Bilanci i drejtimit të institucionit më të lartë bibliotekar në vend, në katër vjetët e mandatit të parë të Gajrakut, del të jetë goxha pozitiv. Krahas projekteve që kanë përfunduar, kanë nisur disa që janë të domosdoshme për institucionin.