Kulturë

Shkrimtarja rumune e “Republicas” së bashkimit me letërsi

Shkrimtarja rumune e “Republicas” së bashkimit me letërsi

E thotë shkoqur që mëtimi për t’iu afruar shtetit amtar fare pak ka të bëjë me çështje politike a ideologji nacionaliste. Është lindur në Tomești të Rumanisë, por jeton prej dhjetë vjetësh në Kisinau të Moldavisë, shkruan sot Koha Ditore.

E vlerësuar si një nga letrarët më aktive në shtetin me një popullsi prej mbi 2 milionë e gjysmë banorësh, 42-vjeçarja Moni Stănilă prej vitesh drejton qarkun letrar “Republica”, që vepron në kuadër të bibliotekës hijerëndë “B. P. Hasdeu”. Të përkthyera prej kohësh, krijimet e saj poetike tashmë flasin në gjermanisht, anglisht, frëngjisht, rusisht, suedisht, turqisht, katalonjisht, azerisht etj. Vokacionin e saj prej poeteje e kanë admiruar edhe emra të njohur të kritikës rumune.