Kulturë

“Mos” me zërin që synon të thyejë paragjykimet ndaj gruas

“Mos” me zërin që synon të thyejë paragjykimet ndaj gruas
 

Prishtinë, 12 dhjetor – “Çika e nanës, amanet për s’gjalli po ta la, runa ftyrën, derën e nderin...”, shkruhet në rreshtin e parë të tablosë së formatit të madh ngjyrë ari. Disa fjali që dalin të jenë këshilla të një nëne për vajzën para martesës, Norë Potera shpesh i ka mbuluar me ngjyrë.

Menjëherë merret vesh se artistja nëpërmjet tablosë ka bërë thirrje që të shuhet kjo traditë. Njëjtë me penelin e saj ka vepruar edhe në tablonë tjetër që është nuancë e së parës, por shkruhen vargje këngësh të kanagjeqeve. “Për çka i kemi vajzat” është një ndër veprat e ekspozitës “Mos” të artisteve Nora Potera e Ardhmerie Bregovina. Dyshja në Galerinë e Fakultetit të Arteve, nëpërmjet veprave të tyre, e fut publikun në një botë patriarkale e njëkohësisht edhe bën thirrje për shuarjen e këtij mentaliteti. Një piramidë e përmbysur në sallën e parë të Galerisë bën thirrje për rrotullim konceptesh.