Përkrahësi i Millosheviqit dhe mohuesi i gjenocideve serbe merr çmimin Nobel për Letërsi

Laureati i “Nobelit”, përkrahës i Millosheviqit

10 October 2019 13:10
14:16

Shpallja e laureatit të sivjetmë të “Nobelit” për letërsi, shkrimtarit austriak Peter Handke, ka nxitur jo pak reagime.

Kaherë ai qe rreshtuar përkrah regjimit të Slobodan Millosheviqit përderisa kishte dalë hapur kundër bombardimeve të NATO-s më 1999.

Ndër të tjera, ai popullin serb e kishte përshkruar si viktimë dhe jo një herë ka vizituar enklavat serbe në Kosovë.

Image

Më 2007, në Hoçë të Madhe kishte ndarë 50 mijë euro në ndihmë të tyre. Ndër të tjera, më 2006, ai kishte marrë pjesë në funeralin e Millosheviqit dhe kishte thënë: “Nuk e di të vërtetën. Por shoh. Dëgjoj. Ndjej. Dhe mbaj mend. Kjo është arsyeja pse jam sot këtu, afër Jugosllavisë, afër Serbisë, afër Slobodan Millosheviqit”.

13:10

Përkrahësi i Millosheviqit dhe mohuesi i gjenocideve serbe merr çmimin Nobel për Letërsi

Përkrahësi i Millosheviqit dhe mohuesi i gjenocideve serbe, Peter Handke ka marrë çmimin Nobel për Letërsi 2019.

Ismail Kadare nuk ka arritur të fitojë çmimin Nobel për Letërsi, edhe pse ishte në mesin e favoritëve.

Akademia suedeze çmimin Nobel për vitin 2018 i dhuroi autores polake Olga Tokarczuk, transmeton Koha.net.

Kujtojmë se vitin e kaluar kjo ceremoni është anuluar për shkak të një skandali seksual.

Këto çmime, secili në vlerë të 908,000 dollarësh, do të prezantohen më 10 dhjetor.

© KOHA. Të gjitha të drejtat janë të rezervuara.

Komentet

Agim krasniqi10/10/2019 14:50

Fituesi i cmimit politik NOBEl Peter Handke nuk eshte befasi sepse te gjitha krimet e kryera nga Serbija ne krye me Millosheviqin dhe kishen serbe e populit serb jane bere me dhenjen e drites se gjelbert nga perendimoret. Pra nuk eshte per tu habitur sikunder edhe sot vertetohet qasja e perendimorve ndaj feve te te tjera,perkatesisht asaj myslinane qe eshte nje ksenofobi e paster,

Shto koment

Të ngjashme