Kur Snowdeni zbulon personalen

Kur Snowdeni zbulon personalen

Jennifer Szalai 22 September 2019 14:37

Zbulimi i sekreteve shtetërore është punë e vështirë, ama ndriçimi i personales përmes një memoari, edhe më e vështirë. E këtë gjë më së miri e pasqyron Edward Snowdeni.

“Vendimi për t’i nxjerrë dëshmitë për keqbërjet e qeverisë ishte më i lehtë sesa ai për të shpalosur përjetimet e mia jetësore”, thotë ai në parathënie të librit “Permanent Record”.

Snowdeni, natyrisht, është po ai konstruktori i dikurshëm i Inteligjencës amerikane që më 2013 i zbuloi dokumentet rreth programeve sekrete të vëzhgimit të Qeverisë së SHBA-së, duke e davaritur nocionin se Agjencia e Sigurisë Kombëtare dhe aleatet e saj po e luajnë një lojë të çuditshme të spiunit kundruall spiunit, pa u kufizuar te personat e caktuar me interes, transmeton Koha Ditore. 

Ndryshimet e shpejta në botën e teknologjisë dhe fatkeqësia e 11 shtatorit gjeneruan mjete të reja të vëzhgimit dhe shtytje për përdorimin e tyre.

Për garantimin e qasjes në të dhënat telefonike të qytetarëve amerikanë, për përgjimin e liderëve të huaj, grumbullimin e të dhënave mbi aktivitetet online: Shkaku i zbulimit të këtyre programeve sekrete dhe shumëçka më shumë, Snowdeni u quajt tradhtar nga administrata Obama, e cila edhe e paditi për shkeljen e Aktit të Spiunazhit dhe ia revokoi pasaportën, duke e shtyrë përfundimisht që të gjejë strehim në Moskë, ku jeton qysh atëherë.

“Permanent Record” është një dëshmi gozhduese dhe artefakt i rrallë. Libri jo se do t’ia ndryshojë dikujt mendimin për Snowdenin, por kur vjen puna te privatësia, fjala dhe Kushtetuta, ky rrëfim i qartëson gjërat.

Për dikë që ka punuar në komunitetin e Inteligjencës, vetë ideja për një autobiografi përbën mundim.

“Është vështirë ngase kam kaluar kaq shumë kohë të jetës në përpjekje për ta shmangur identifikimin”, ka shkruar ai, “dhe atë vetëm për t’u demaskuar plotësisht dhe shpalosur ‘jetën personale’ në një libër”.....(Më gjerësisht lexoni në Koha Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme