Kulturë

“Javët hungareze të kulturës” për tre muaj me muzikë, ekspozitë e filma

“Javët hungareze të kulturës” për tre muaj me muzikë, ekspozitë e filma

Prishtinë, 18 shtator – Për herë të parë pas përfundimit të luftës në Kosovë, një orkestër e një filarmonie kombëtare të një vendi tjetër do të interpretojë në Prishtinë.

Në mbrëmjen e së premtes, Salla e Kuqe e Pallatit të Rinisë dhe të Sportit në kryeqytet do të jetë hapësirë e Filarmonisë së Pannon nga Hungaria. Ky institucion i themeluar më 1811 nga kompozitori vjenez György Lickl është një prej formacioneve muzikore më me peshë në Hungari. Filarmonia funksionon në Pécs, që njihet si një qendër e shkencës dhe e arteve, përfshirë edhe muzikën, shkruan sot Koha Ditore.