Kreshnik Musolli u lind më 12 shkurt 1991 në Prishtinë. Kua­li­fikimet dhe perfor­man­ca e tij nisën me shkollën e muzikës, në degën e baletit në “Prenk Jakova” në Prishtinë, 2009, për të vazhduar studimet uni­versitare për regji teatri në Fakultetin e Arte­ve, në klasën e profesorit Fadil Hysaj.

Ka nisur pu­nën si balerin e solist profesionist në Baletin Kombëtar të Kosovës në vitin 2008. 35 shfaqje artistike për 9 vjet shënojnë karrierën e tij të deritanishme. Është vlerësuar nga kritika vendore dhe për­tej saj. Është angazhuar dhe në projekte teatrore si regjisor, balerin, por dhe si asistent koreografie brenda dhe jashtë vendit.

Është pjesë e festivaleve në Ohër, Apoloni, Shkup, Elbasan, Prishtinë, Cyrih, Austri, Bullgari, Itali, Turqi e vende të tjera, shkruan sot Koha Ditore.

Ka luajtur në shfaqjet "Lidhja", "Dashuria që vret", "Vallëzimi me hënën", "Balloja e diplomës", "Don Kishoti", "Dasma", "Flu­turimi drejt dritës", "Aty ku drita bie", "Coppelia", "Liria ime", "Verdi Requiem", "Kopshti i shpirt­rave", "Tregimi yt, tregimi im", "La Sylphide", "Othello", "Ngjyrat e vallëzimit", "Spartaku”, "Strawinsky & Ravel", "Netët arabe", "Xhulieta pa Romeon", "Giselle", "Ri­kompozim", "Drejtësi tranzicionale", "Vajza e braktisur" e të tjera. Vitin e kaluar ka debutuar si koreograf me shfaqjen “Andërr”.

Baleti është arti më i vështirë e më i bukur skenik. Një koordinim mes trupit e mendjes, një harmoni e plotë mes tingujve të muzikës dhe lëvizjeve plot sharmë.

Skena është një podium i shenjtë ku shfaqen veprat e artit performues, që janë në shërbim të audiencës, përmes së cilës edhe e sjellin në jetë një vepër teatrore.

Teatri është vendi i artit në përgjithësi dhe medium i cili lindi qysh në Greqinë e lashtë si vend në të cilin njerëzit shkonin të pastronin e të ripërtërinin shpirtin përmes shfaqjeve, si dhe të ngrinin intelektin e tyre.

Përkushtimi. Në jetë nuk ka asgjë nëse nuk ka përkushtim të plotë. Nuk mund ta gjejmë e ta shfrytëzojmë maksimumin e vetes pa iu përkushtuar asaj pune që ne e duam në mënyre maksimale...(Artikullin e plotë mund ta lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.