Kulturë

Asimilimi e tkurrja e territorit, të përhershëm në historinë shqiptare

Asimilimi e tkurrja e territorit, të përhershëm në historinë shqiptare

Kur ishte krijuar shteti shqiptar në vitin 1913, albanologu kroat Milan Shuflaj (Šufflay), i kishte krahasuar territoret shqiptare të shtetit të ri me iriqin, i cili kur tkurret zë gjysmën e vëllimit të madhësisë së tij normale.

Si pasojë e një tkurrjeje të vazhdueshme shekullore trevat shqiptare nga Budva e Kosova në veri e deri poshtë në jug kanë ndjekur procese komplekse historike prej asimilimit e deri te spastrimi etnik. Kjo histori mijëvjeçare e ndarë në subjekte të ndryshme ishte boshti i dhjetëra kumtesave që u lexuan të mërkurën në sesionin kushtuar historisë në Institutin Albanologjik.