Kulturë

“Gjurmët” kthejnë kohën me këngët që s’harrohen

“Gjurmët” kthejnë kohën me këngët që s’harrohen

Entuziazmi do të bënte që “djemtë e lagjes” të bëhen bashkë para 39 vjetësh. Por shpejt këngët e tyre do të bashkonin shumë të rinj jo vetëm të Prishtinës, por gjithandej Kosovës. “Copat” e gjurmëve të tyre nuk është fare e vështirë të mblidhen as pas gati katër dekadash.

Salla “1 Tetori” në kryeqytet e ka vërtetuar këtë. Goxha kohë pa nisur koncerti njerëzit ia kishin mësyrë vendit. Gjenerata më të përziera në publik, zor se mund të ketë pasur ndonjë koncert i mëhershëm, shkruan sot Koha Ditore.