Kulturë

Kujtim i eksodit të dhimbshëm të arbëneshëve nga Shqipëria në Zarë

Kujtim i eksodit të dhimbshëm të arbëneshëve nga Shqipëria në Zarë

Në sesionin “Arbëneshët e Zarës-Historia dhe etnokultura e tyre” i cili ishte mbajtur më 10 tetor të vitit 2016 në Institutin Albanologjik të Prishtinës me rastin e përvjetorit të 290-të të dhembshëm të shpërnguljes së tyre në Zarë, u prezantuan një varg kumtesash lidhur me këtë krah të shkëputur gjeografikisht të shqiptarëve, i cili edhe pas gati 300 vjetësh i ka ruajtur historinë dhe etnokulturën e deri diku edhe gjuhën origjinale në mjedis të ri dhe në kushte e rrethana specifike, shkruan sot Koha Ditore.

Nga këto kumtesa 14 sosh janë botuar bashkë me një shtesë me fotoalbum me 27 foto nga punimet e sesionit dhe nga ekspozita e hapur me këtë rast në hollin e Institutit, në botimin i cili doli këto ditë në vazhdën e veprimtarisë botuese të Institutit Albanologjik në Prishtinë.