Kulturë

“Rwandan Daughters” me imazhet që bashkojnë pasojat e gjenocidit

“Rwandan Daughters” me imazhet që bashkojnë pasojat e gjenocidit

Janë mbushur 25 vjet që nga fillimi i gjenocidit në Ruandë. Në vetëm 100 ditë, prej 7 prillit deri më 15 korrik 1994, shtatë në dhjetë Tutsis që jetonin në Ruanda u vranë nga fqinjët e tyre Hutu. Së paku një milion banorë u vranë, përfshirë 10 mijë të komunitetit Batwa pygmies.

Ajo që është më pak e njohur për këta muaj të tmerrshëm është se 250 mijë gra u përdhunuan. Shumë prej tyre ishin infektuar me HIV dhe më pas vdiqën si pasojë e sëmundjeve që lidhen me këtë virus. Kombet e Bashkuara kanë thënë se rreth dymijë gra mbetën shtatzënë (numri i saktë mund të jetë shumë më i lartë), shkruan “The Guardian”, transmeton “Koha Ditore”. Një çerekshekull më vonë, teksa shumë prej fëmijëve të mbijetuar të grave shtatzëna janë më të vjetër se që ishin nënat e tyre në atë kohë, vazhdon ankthi, tensioni e stigmatizimi shoqëror.