Kryevepra e një prej dramaturgëve më të rëndësishëm të skenës teatrore botërore, i cili hodhi themelet e komedisë franceze, pritet të inskenohet gjatë muajit prill në teatrin “Adriana” të Ferizajt.
Ngjarja e komedisë “Kopraci”, që fokusohet te njerëzit pasionantë për të grumbulluar e jo për ta shpërndarë paranë, do të vihet në skenë nga regjisorja Elmaze Nura, transmeton emisioni Express në KTV.
Nga ansambli rezident i Teatrit “Adriana” janë përzgjedhur nëntë aktorë për të luajtur personazhet e kësaj komedie.
Ndonëse, teatri i qytetit të Ferizajt vazhdon të ketë probleme me buxhetin, ky institucion po përgatitet edhe për premierën e dytë të këtij viti, pas “Hanibalit të tokës”, që u shfaq në muajin mars.
Nëntëmbëdhjetë aktorë sa numëron trupa rezidente e këtij teatri, nuk kanë kontrata të rregullta dhe ata angazhohen me kontrata që nënshkruhen çdo gjashtë muaj.
Teatri “Adriana”, planifikon që gjatë këtij viti t’i realizojë edhe dy premiera tjera.
-
27 mars 2019 19:58
-
Shpërndaje në: