Gani Jakupi me punëtori për romanin grafik para festivalit në Prishtinë

Ligjet grafike janë për t’u thyer. Por është një i vetëm në këtë fushë që nuk bën të thyhet asnjëherë. Përballë atyre që ndjekin punëtorinë, artisti Gani Jakupi ka thënë se ligji i lexueshmërisë është i pathyeshëm, shkruan sot Koha Ditore.

“Lexuesi me të parën duhet ta marrë vesh se çfarë kemi thënë”, ka thënë ai në Këndin Amerikan, në Bibliotekën Kombëtare të Kosovës, të premten, në ditën e fundit të punëtorisë për roman grafik. Ka porositur ata që të mos e harrojnë lexuesin mesatar. Lexueshmëria, sipas tij, është ligji i trefishtë në film, roman, grafikë, narracion apo ndonjë formë tjetër të të shprehurit.