Kulturë

Në Panteonin e letërsisë antitotalitare

Në Panteonin e letërsisë antitotalitare
 

Temën e madhe të letërsisë – opozicionin në mes të shtetit dhe individit, apo më ekzaktësisht marrëdhënien: shkrimtari - diktatura, Ismail Kadare e ka trajtuar në shumë vepra të tij, por libri i fundit “Kur sunduesit grinden”, siç duket, ia ka dhënë vulën këtij opusi, shkruan sot Koha Ditore.

As krejt tregim, as krejt ese, as krejt roman, por një meditim krejt i veçantë letrar, ky libër është një shkrirje midis disa gjinive letrare, i cili na shfaq një botë ku zhvillohet lufta e lashtë midis dy të kundërtave: lavdisë së shkrimtarëve, në njërën anë, dhe mizorisë së diktatorëve, në anën tjetër.