Me datë 07. 08. 2017, rreth orës 18:40, në rrugën lokale në periferi të fshatit Rogovë të Gjakovës, ka ndodhur aksident i rëndë i komunikacionit, ku kanë humbur jetën dy këmbësorë.
Policia e Kosovës nga rajoni i Gjakovës ka bërë me dije se “deri te aksidenti ka ardhur përderisa i mituri H. B., lindur më 2001, duke drejtuar automjetin e udhëtarëve me tabela të Zvicrës dhe duke mos ju përshtatë kushteve të rrugës humb kontrollin dhe i godet dy këmbësorë të cilët nga lëndimet humbin jetën në vend ngjarje”.
“Vdekjen e tyre e konstaton mjeku në vendngjarje, ndërsa lëndime kanë marrë ngasësi i automjetit dhe një pasagjer”, thuhet në njoftimin e PK-së, raporton Koha.net.
Viktimat në këtë aksident janë Gj. K., lindur me 1962 femër shqiptare/kosovare dhe mbesa e saj L. D, lindur më 2005, po ashtu femër, shqiptare e Kosovës.
Kurse lëndime kanë pësuar H. B. lindur më 2001 dhe B. B., lindur me 2001, që të dy meshkuj shqiptarë nga Kosova.
Të gjitha njësitë relevante së bashku me Prokurorin e Shtetit kanë dal në vend të ngjarjes dhe me hetimin e këtij rasti po merren njësia e hetimeve të aksidenteve të komunikacionit nga Drejtoria Rajonale e Policisë në Gjakovë.
