Kronikë

Më 1999, Princ Dobroshi tentoi ta kidnaponte Princin e Norvegjisë

Foto: The Royal Court
 

Tmerri më i madh i një mbretërie mund të jetë kidnapimi. Fatmirësisht, kjo nuk ka ndodhur kohëve të fundit. Megjithatë, shumë njerëz kanë bërë plane për kidnapimin e ndonjë anëtari të familjeve mbretërore, por kanë dështuar të bëjnë një gjë të tillë. Një ngjarje, që për shumë njerëz mund të jetë e panjohur, ka ndodhur më 1999 kur ishte tentuar të kidnapohej atëherë Princi Haakon i Norvegjisë, atëherë 26 vjeçar.

Tentim-kidnapimi është mbajtur i fshehtë për një kohë të gjatë, dhe ende nuk dihen shumë detaje. Së paku jo deri më 2000, një vit pasi tentimi për kidnapim u zbulua në një biografi të re mbi babanë e Princit Haakon, Mbretin Harald. Por, kush mund të ketë qenë i interesuar të kidnaponte Princin Haakon? Në të vërtetë, ishte mafia kosovaro-shqiptare që bëri plane për të kidnapuar trashëgimtarin norvegjez.