Kronikë

Në Gjakovë arrestohet një i dyshuar për fajde

Në Gjakovë arrestohet një i dyshuar për fajde
 

Policia e Kosovës konkretisht Njësia Rajonale për Hetimin e Krimeve Ekonomike dhe Korrupsionit në Gjakovë, me datë 19 dhjetor 2019 ka arrestuar personin e dyshuar L.H 1989 për veprën penale “Fajde”.

Sipas njoftimit për media, pas pranimit të informacioneve për fajde, Policia e Kosovës me urdhër të Gjykatës Themelore në Gjakovë ka zbatuar masat e fshehta teknike të hetimit dhe vëzhgimit, në mënyrë që të bëjë grumbullimin e provave materiale që argumentojnë veprën penale për të cilën dyshohej se e ka kryer personi i dyshuar.