Të akuzuarit Llumnica i caktohet avokati i personit të cilit ai akuzohet se e kishte dhunuar Foto: Koha

Avokati Ahmeti do ta mbrojë Avni Llumnicën

Donika Voca Gashi Donika Voca Gashi 10 October 2019 10:26
10:55

Pas 30 minutave ka rifilluar seanca në rastin Syri i Popullit pasi Oda e Avokatëve ka zëvendësuar avokatin Muhamet Humolli me një tjetër avokat në mbrojtje të Avni Llumnicës.

Tani avokat i Llumnicës është caktuar Ahmet Ahmeti, raporton KTV.

Në seancën e sotme do të japë mbrojtjen e tij i akuzuari Sadri Ramabaja.

10:26

Të akuzuarit Llumnica i caktohet avokati i personit të cilit ai akuzohet se e kishte dhunuar

Trupi gjykues për të dytën herë radhazi është përballur me problemin e përfaqësimit të një avokati për të akuzuarin Avni Llumnica në rastin Syri i Popullit.

Pas seancës së fundit ku Llumnica kishte refuzuar ta përfaqësonte avokati Naim Rudari këtë herë oda ka caktuar avokatin Muhamet Humolli, raporton KTV.

Por, Humolli ka thënë se ai nuk mund të mbrojë Llumnicën pasi është konflikt interesi sepse ai përfaqëson edhe një të dëmtuar për të cilën Llumnica dyshohet se e kishte dhunuar.

Kjo ka bërë që të ndërpritet seanca. Trupi gjykues është tërhequr për ta sqaruar këtë situatë.

© KOHA. Të gjitha të drejtat janë të rezervuara.

Komentet

Shto koment

Të ngjashme