11 të lënduar në dy aksidente në Gjilan e Prishtinë

11 të lënduar në dy aksidente në Gjilan e Prishtinë

22 September 2019 11:22

11 persona janë lënduar në dy aksidente të ndryshme trafiku që kanë ndodhur dje në Gjilan e Prishtinë.

Policia e Kosovës përmes një komunikate për media bën të ditur se në fshatin Livoq i Epërm të Gjilanit janë lënduar shtatë persona pas përplasjes ndërmjet dy veturave, transmeton Koha.net.

“I dyshuari mashkull K-Shqiptar derisa po drejtonte veturën e tij në rrugë nga pakujdesia ka aksidentuar veturën tjetër te cilën e drejtonte viktima mashkull K-Shqiptar. Si pasoj e aksidentit ka pësuar lëndime vet i dyshuari e po ashtu edhe 6 persona tjerë. Të lënduarit janë dërguar për tretman mjekësor dhe më pas janë liruar në shtëpi”, thotë PK.

Kurse në Prishtinë kanë mbetur të lënduar katër persona pas përplasjes ndërmjet dy veturave.

“I dyshuari mashkull K-Shqiptar derisa po drejtonte veturën e tij në rrugë nga pakujdesia ka aksidentuar dy veturat që i drejtonin viktimat meshkuj K-Shqiptar. Si pasoj e aksidentit pos dëmeve materiale janë lënduar katër persona të cilët pas tretmanit mjekësor janë liruar në shtëpi”, thotë PK.

© KOHA. Të gjitha të drejtat janë të rezervuara.

Komentet

Shto koment

Të ngjashme