Pas informacionit paraprak, i cili njoftoi faktin se rrjeta e peshkatarëve kishte nxjerrë nga deti trupin e pajetë të një personi, policia jep detaje të tjera rreth ngjarjes së rëndë të regjistruar në Durrës.
Sipas njoftimit për shtyp mësohet se nga ekspertiza e jashtme, trupi nuk ka qenë i lidhur apo i mbështjellë, nga këqyrja nuk janë evidentuar shenja dhune apo dëmtime të ndonjë natyre tjetër.
Gjithashtu raportohet se trupi i viktimës ishte i veshur me rroba, i janë evidentuar gjithë gjymtyrët, por është dekompozuar për shkak të lagështisë.
Kufoma është transportuar në morgun e spitalit për ekspertizë mjeko-ligjore.
Grupi hetimor nën drejtimin e Prokurorisë po vijon hetimet për identifikimin dhe sqarimin e plotë të rrethanave të ngjarjes.
-
19 gusht 2019 11:42
-
Shpërndaje në: