Kosovarja me shtetësi norvegjeze refuzoi të paguajë 70 euro për shërbimin e pastrimit, rrah punëtoren

Luljeta Beselica Luljeta Beselica 27 June 2019 19:25

M. A., me vendbanim në Norvegji, ishte bërë kliente e këtij pastrimi kimik në Ferizaj.

Por herën e fundit, para dy ditësh, ajo nuk ishte ndarë e kënaqur me këtë biznes, përderisa me dhunë kishte marrë rrobat e saj.

Ndonëse paraprakisht i ishte bërë i ditur çmimi prej 70 eurosh që është dashur ta paguante, ajo është nervozuar, pasi çmimi i është dukur i lartë dhe e ka sulmuar fizikisht njërën nga punëtoret aty.

Pasi tentoi ta ndalonte, punëtorja M. I., që ka dashur të mbes anonime, ishte sulmuar përsëri nga kosovarja me shtetësi norvegjeze, e cila kishte ikur pastaj.

Pronari i biznesit e kishte paraqitur rastin në Polici dhe M.A. ishte arrestuar brenda ditës.

Kryeprokurori i Prokurorisë Themelore në Ferizaj, Shukri Jashari, ka thënë se Prokurori i rastit e ka liruar në procedurë të rregullt shtetasen norvegjeze, pasi viktima ka marrë vetëm lëndime të lehta trupore.

© KOHA. Të gjitha të drejtat janë të rezervuara.

Komentet

Ilir28/06/2019 13:29

Ku mos ne e rreh, e teprojn tu kasirat, si ta marrin vesh qe jeton jashtë

Shto koment

Të ngjashme