Sivjet 17 këmbësorë kanë vdekur në trafik Foto: Driton Paçarada / Koha / ilustrim

Sivjet 17 këmbësorë kanë vdekur në trafik

24 May 2019 10:44

Policia e Kosovës ditë më parë ka lansuar fushatën vetëdijësuese “Të gjithë jemi këmbësorë”.

Qëllimi i kësaj fushate është sensibilizimi i këmbësorëve për rrezikun në trafik, ka njoftuar PK-ja përmes një komunikate. Policia e Kosovës, konkretisht Divizioni i Komunikacionit Rrugor, në përkrahje nga Departamenti Koordinues i Këshillit për Siguri Rrugore - Ministria e Infrastrukturës dhe Transportit, ka lansuar fushatën vetëdijesuese “Të gjithë jemi këmbësorë”.

Kapiteni Qamil Behrami nga Policia e Kosovës, tha se deri më tani kanë vdekur 17 persona.

Ai bëri me dije se Policia e Kosovës dhe Ministria, kanë bërë edhe shpërndarja e fletushkave që kanë për qëllim sensibilizimin e pjesëmarrësve në trafik, sidomos këmbësorëve, të cilët janë kategoria më e rrezikuar në trafikun rrugor.

“Ka pasur aksidente me fatalitet, këmbësorët nuk janë të kujdesshëm”, tha ai sot në emisionin “Studio e Hapur”, në RTK3.

Sipas tij shqiptimi i gjobave do të jetë i pashmangshëm për të gjithë ata që shkelin ligjin.

Përdorimi i rrugës duhet të përdoret në mënyrë sociale, që nënkupton se këmbësorët duhet respektuar vendkalimet për këmbësorë dhe vendet tjera të lejuara. Gjithashtu edhe shoferët duhet të lëvizin konform rregullave të trafikut duke mos penguar pjesëmarrësit tjerë. Çdo shkelje e rregullave të trafikut mund të kuptohet edhe si humbje e jetës.

Kurse Fejzullah Mustafa, drejtor i këshillit të sigurisë në trafikun rrugor , tha se ministria ka përkrahur projektin që synon vetëdijesimi. “Për momentin aksidente kemi tek këmbësorët”, tha ai.

Sipas tij edhe për këtë verë janë duke e përgatitur një projekt për shkak se rritet numri i veturave.

Komentet

Kosovar03/06/2019 10:52

Nuk kan faj drejtuesit e automjeteve, fajin kryesor e kan kembsoret te cilet pa asnje pergjegjesi dalin dhe kalojn rrugen, duke mos heq syt nga telefonat apo me ndegjojsa ne vesh duje fishkellur dalin edhe rrezikojn veten me se pari pastaj te tjeret. Edhe policia e trafikut ka nje lloj pergjegjesie me kete rast, sepse nuk reagon kur duhet edhe pse eshte presente kur kembsoret pa asnje pergjegjesi kepusin rrugen. Ju si gazet qe keni mundesi edhe te beni reportazhe me KTV-ne do te ishte mire te vendosni qe te beni nje reportazh neper rruget e Prishtines dhe do te bindeni qe fajin kryesor e kan kembesoret dhe policia e cila nuk merr masa ndaj tyre. Kembbsoret duhet te respektohen por edhe ata jane pjesemarres ne trafik dhe duhet te ket denime edhe per ata qe e rrezikojn trafikun.

Shto koment

Të ngjashme