Në Pejë është arrestuar një grua e komunitetit egjiptian me dyshimin se ka detyruar dy fëmijët e saj të mitur të kërkojnë lëmoshë, bën të ditur Policia e Kosovës.

“Është arrestuar e dyshuara femër K/Egjiptiane, nën dyshimin se e njëjta se ka kryer veprën penale të lartcekur, pasi që në rrugë janë gjetur dy fëmijët e saj të moshës së mitur duke kërkuar lëmoshë”, thotë PK, transmeton Koha.net.

E njëjta është intervistuar dhe me vendim të prokurorit është liruar në procedurë të rregullt.