Arrestohet një i dyshuar për grabitje në një market në Podujevë Foto: Koha / ilustrim

Arrestohet një i dyshuar për grabitje në një market në Podujevë

23 tetor 2018 16:14

Nga hetuesit policorë të stacionit të Podujevës, sot është arrestuar një person për të cilin ekziston dyshimi i arsyeshëm që mund të jetë i përfshirë në një rast të grabitjes.

Rasti ka ndodhur me datën 20.10.2018 në fshatin Shtedim, saktësisht në një market, ku viktimës (femër), nën kërcënimin e armës së ftohtë (thikë), i janë grabitur një sasi e parave.

“Puna e hetuesve policor të stacionit të Podujevës, e cila është finalizuar sot, ka rezultuar me identifikimin dhe arrestimin e personit të dyshuar E.Ll, mashkull, 22 vjeç, shtetas i Republikës së Kosovës”, ka thënë Policia.

Ndaj tij, prokurori i shtetit ka shqiptuar masën e ndalimit për 48 orë, ndërkohë që hetuesit policorë janë duke ndërmarrë veprimet e nevojshme procedurale.

© KOHA. Të gjitha të drejtat janë të rezervuara.

Komentet

Shto koment

Të ngjashme