MPJ thotë se tre kosovarët e përfshirë në aksidentin zinxhiror në Serbi janë mirë, nisen për Kosovë Foto: Ilustrim

MPJ thotë se tre kosovarët e përfshirë në aksidentin zinxhiror në Serbi janë mirë, nisen për Kosovë

18 tetor 2018 21:51

Ministria e Punëve të Jashtme e Republikës së Kosovës nëpërmjet Zyrës Ndërlidhëse në Serbi ka përcjellë nga afër një aksident zinxhiror në komunikacion, i cili sipas raportimeve të para ndodhi nga një tym i dendur dhe për pasojë la të vdekur një person dhe disa të tjerë të plagosur.

MPJ njofton se ka siguruar informacione zyrtare se tre shtetasit kosovarë, të cilët ishin pjesë e këtij aksidenti kanë marrë disa lëndime-gërvishtje.

“Pas pranimit të ndihmës së parë në vendngjarje janë liruar dhe kanë vazhduar rrugën për në Kosovë”, thuhet në njoftimin e MPJ-së, transmeton Koha.net.

Mediat serbe kanë raportuar se një 19-vjeçar nga Beogradi ka vdekur në aksidentin që ka ndodhur në autostradën e Nishit.

Në këtë aksident janë përfshirë një kamion, një furgon dhe një veturë.

© KOHA. Të gjitha të drejtat janë të rezervuara.

Komentet

Shto koment

Të ngjashme