Kronikë e zezë

Dy të akuzuar e pranojnë fajësinë për rastin e subvencioneve

 

Gjon Musolli dhe Halit Berisha e kanë pranuar se kanë ofruar të dhëna të pasakta për të përfituar subvencione bujqësore. Ata pranuan fajësinë të hënën në seancën e shqyrtimit fillestar, derisa prokurori i rastit, Rafet Halimi, ka kërkuar rrethanë lehtësuese për të pandehurit pasi “iniciativa për ryshfet ka qenë e zyrtarëve publikë”.

“Nuk kam mundur të marrë grante e as subvencione asnjëherë. Asnjëherë me qejf s’e kam bërë”, ka thënë Musolli, derisa avokati i tij, Kujtim Kërveshi, është shprehur se klienti ka qenë i shtyrë për ta bërë këtë “sepse përndryshe nuk do të përfitonte asnjë subvencion”.