Policia e Kosovës ka njoftuar për një rast të vrasjes në tentativë që thuhet se ka ndodhur të hënën mbrëma në Prishtinë.
Sipas raportit të Policisë, pas një mosmarrëveshjeje, një i panjohur ka shtënë me armë zjarri drejt një burri duke i shkaktuar lëndime në dorë.
“Viktima mashkull kosovar është duke u trajtuar në Qendrën Klinike Universitare të Kosovës pasi që dyshohet se ndaj të njëjtit pas një mosmarrëveshje verbale i dyshuari mashkull i panjohur ka shtënë me armë zjarri dhe si pasojë ka pësuar lëndime në dorë. Lidhur me rastin është njoftuar prokurori ndërsa rasti është duke u hetuar”, thuhet në raportin e Policisë.
