I gjenden 59 kg marihuanë, arrestohet 27-vjeçari në Skenderaj
Është arrestuar një i dyshuar pasi në shtëpinë e tij janë gjetur përveç tjerash, edhe 59 kilogramë marihuanë.
Policia ka nisur hetimet paraprakisht dhe njësitë kanë kontrolluar në fshatin Vajnik të Skenderajt, në shtëpinë dhe objektet tjera përcjellëse të të dyshuarit E.A., 27 vjeç.
Aty njësitë policore kanë gjetur 59 kilogramë e 973 gram, dyshohet të jetë substancë narkotike e llojit marihuanë, dy peshore digjitale, një mbështjellës – foli e tejdukshme dhe një telefon.
I dyshuari me vendim të Prokurorit të Shtetit është në ndalim policor 48 orë.
