Policia e Kosovës njoftoi se një person është gjetur i vdekur në shtëpinë e tij në Prishtinë të dielën, derisa vdekjen e ka konstatuar mjeku kujdestar.
Në raportin policor u bë e ditur se me urdhër të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti po hetohet.
Policia e ka iniciuar rastin si “hetim i vdekjes”.
“Është raportuar se viktima mashkull kosovar në shtëpinë e tij është gjetur pa shenja jete, vdekjen e të cilit e ka konstatuar mjeku në vendin e ngjarjes. Me urdhër të prokurorit trupi i pajetë i viktimës është dërguar në IML për obduksion, rasti vazhdon të trajtohet nga ekipet hetimore”, thuhet në njoftim.
