Kronikë

Fëmija në Lipjan bie nga kati i dytë i shtëpisë, pëson lëndime të rënda

Një fëmijë në Lipjan ka pësuar lëndime të rënda, pasi dyshohet se është rrëzuar nga dritarja e katit të dytë të shtëpisë.

Sipas njoftimit të policisë të martën, pritet të bëhet edhe intervistimi i familjarëve lidhur me rastin.

“Viktima (m), fëmijë, dyshohet se është rrëzuar nga dritarja e katit të dytë të shtëpisë dhe për pasojë ka pësuar lëndime të rënda. Viktima është dërguar për trajtim mjekësor, ndërsa njësitet policore kanë dalë në venin e ngjarjes dhe janë duke hetuar rastin”, thuhet në njoftimin e policisë.