Gjendet i vdekur një 46-vjeçar në një lokal në “Muharrem Fejza”
Mëngjesin e së premtes në një lokal në rrugën “Muharrem Fejza” në Prishtinë është gjetur i vdekur një person.
I vdekuri është një 46-vjeçar.
“Rreth orës 08:00, kemi pranuar informatën për një person pa shenja jete në një lokal në rrugën Muharrem Fejza në Prishtinë. Policia dhe ekipi mjekësor menjëherë kanë dalë në vendin e ngjarjes, ku nga ekipi mjekësor është konstatuar vdekja e personit mashkull 46 vjeç”, ka njoftuar Policia e Kosovës.
Policia po e heton rastin si vdekje e dyshimtë.
“Aktualisht policia me kujdes të shtuar ka nisur hetimin e rastit si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”.
