Policia e Kosovës ka njoftuar se patrulla e stacionit policor në Shtime, të shtunën në orët e hershme të mëngjesit, ka ndaluar në Shtime një person me inicialet SH.B (M/K) 38 vjeçar.
Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘’Posedim i paautorizuar i narkotikëve, substancave psikotrope dhe analoge ’’, me dënim burgimi prej 6 muajve.
I njëjti është shoqëruar në stacionin policor në Ferizaj dhe pas kompletimit të dokumentacionit është dërguar në vuajtje të dënimit.
