Arrestohet mjeku që dyshohet se falsifikoi testet për COVID-19
Një mjek në Prizren është arrestuar të enjten nën dyshimin se në laboratorin e tij biokimik kishte lëshuar teste false për COVID-19.
Në një komunikatë për media, Policia ka thënë se laboratori ka lëshuar më 6 tetor dy teste rapit antigjen, një pozitiv e tjetrin negativ, të cilat dyshohen se janë të falsifikuara.
Vepra për të cilën dyshohet mjeku është “Falsifikimi i dokumentit”.
Mjeku, për të cilin Policia s’ka dhënë as inicialet, është ndaluar për 48 orë.
