Arrestohet një 18-vjeçar, nën kërcënimin e armës dyshohet se grabiti dy lokale në Gjilan

Policia e Kosovës ka arrestuar personin i cili dyshohet se të hënën, në një lokal të këmbimit të valutave në Gjilan ka kryer veprën penale “Grabitje”. I njëjti nën kërcënim të armës ka arritur të marrë një sasi të konsiderueshme të hollash dhe po ashtu ka shtënë në drejtim të punëtores e cila ka pësuar lëndime trupore si pasojë e gjuajtjes me armë zjarri, ka njoftuar PK.

Edhe të martën, Policia u lajmërua për një grabitje me armë në një lokal në Gjilan ku një i dyshuar, nën kërcënim të armës pasi ka shtënë dy herë në ajër ka arritur që t’i marrë një sasi të konsiderueshme të hollash nga kasa e lokalit, por askush nuk është lënduar.