Një shqiptar i moshës 60-vjeçare është qëlluar për vdekje në rrugë në Strasbourg në mëngjesin e sotëm, njofton “ActuStrasbourg”.
Ai thuhet se është qëlluar në rrethin e Plaine-des-Bouchers.
Forcat e rendit kanë dal në vend të ngjarjes.
Lajmi i fundit është se dy persona janë në arrati, ndërsa shqiptari ishte qëlluar për vdekje në rrugë.
Viktima është i panjohur për gjykatën. Ai është qëlluar me dy plumba, një në kokë e një në gjoks.
Sipas dëshmitarëve, janë parë dy burra të veshur me maska dhe kapela pranë viktimës. Pas të shtënave, ata kanë hipur në një makinë dhe janë larguar. Automjeti është gjetur i djegur jo shumë larg nga vendi i krimit.
© KOHA. Të gjitha të drejtat janë të rezervuara.
