Një muaj paraburgim ndaj një personi në Kaçanik, dyshohet për vjedhje të rëndë

Gjykata Themelore në Ferizaj, Dega Kaçanik, i ka caktuar masën e paraburgimit prej një muajsh B.SH. i cili akuzohet se ka kryer vjedhje të rëndë.

Gjykata njofton se personi më 2 prill të këtij viti ishte futur në shtëpinë e A.K. ku me përdorimin e forcës kishte hapur derën hyrëse të shtëpisë, kishte veshur rrobat e djalit të A.K. dhe kishte vjedhur çelësat e veturës, 30 euro dhe 10 dollarë.