Gjykata Themelore e Gjilanit i ka caktuar masën e paraburgimit prej 30 ditësh personit të cilit iu gjet arsenal armësh në shtëpi.
“Ekziston dyshimi i bazuar se me datë 21.01.2021, në shtëpinë e të pandehurit A.I., në fshatin Beguncë të komunës së Vitisë, gjatë bastisjes është gjetur një arsenal i armëve dhe municionit", thuhet në komunikatë. Armët e mbajtura:
- Dy armë të zjarrit AK-47,
- Dy karikatorë me gjithsejtë 24 fishekë të kalibrit 7.62mm,
- Dy karikatorë me nga 30 fishekë të kalibrit 7.62mm,
- 15 pako me gjithsejtë 225 fishekë të kalibrit 7.62mm,
- 143 fishekë të kalibrit 9mm,
- Një pistoletë Zigana 9x19mm me dy karikatorë,
- Një pistoletë SFRJ 7.62mm me karikator,
- Një pistoletë e kalibrit 7.62mm T,
- Një pistoletë TT me një karikator,
- Dy karikatorë të revolverëve me 37 fishekë të kalibrit 7.62 mm,
- Një leje për lëvizje me armë,
- Pesë gëzhoja të kalibrit 7.62mm të AK-47 dhe 4 gëzhoja të kalibrit 7.62mm të pistoletës.
Për mbajtje në pronësi, kontroll ose posedim të paautorizuar të armëve, përdorim të armës dhe shkaktim të rrezikut të përgjithshëm, i pandehuri është dërguar në paraburgim.
-
23 janar 2021 15:13
-
Shpërndaje në: