Kronikë e zezë

Shtyhet seanca përfundimtare, shefi i kabinetit të kryetarit të Pejës mungoi shkaku i simptomave të Covid-19

Shtyhet seanca përfundimtare, shefi i kabinetit të kryetarit të Pejës mungoi shkaku i simptomave të Covid-19
 

Seanca e shqyrtimit kryesor e paraparë të mbahet të martën në Gjykatën Themelore të Pejës ndaj shefit të kabinetit të kryetarit të Komunës së Pejës, Durim Sheremeti dhe tre punëtorëve tjerë të kësaj komune, Gëzim Shala, Gëzim Lajqi dhe Ruzhdi Zhara, që të katërt të akuzuar nga Prokuroria Themelor e Pejës për keqpërdorim të detyrës zyrtare, si dhe ndaj Ilir Kelmendit, pronar i një operatori ekonomik në Pejë, i akuzuar për mashtrim, nuk është mbajtur pasi në seancë nuk ishin të pranishëm i Sheremeti dhe avokati i tij Labinot Murati.

Në këtë seancë, e cila është shtyrë për 25 shkurt, ishte paraparë të mbahej fjala përfundimtare dhe të administrohen disa prova të dorëzuara në ndërkohë. “Mbrojtësi i tij, avokati Labinot Murati, përmes postës elektronike ka njoftuar se i pandehuri Durim Sheremeti është i prekur nga virusi Covid-19, për shkak se ka manifestuar shenja simptomatike të këtij virusi dhe për këtë arsye nuk mund të merr pjesë në shqyrtimin e sotëm gjyqësor. Trupi gjykues konstatoi se nuk janë plotësuar kushtet për mbajtjen e shqyrtimit kryesor për shkak të mungesës së të pandehurit Sheremeti”, tregoi arsyen e shtyrjes së kësaj seance, kryetari i trupit gjykues, gjykatësi Sami Sharraxhiu.