Policia rrit numrin e gjobave ndaj qytetarëve që s’respektojnë masat anti-COVID
Dy ditët e fundit kanë regjistruar rritje të rasteve të gjobave ndaj qytetarëve që nuk kanë respektuar maskat kundër koronavirusit në Kosovë.
Të premten, Policia e Kosovës ka njoftuar se ka ndarë 1050 gjoba në baza të ligjit kundër COVID-19, në 24 orët e fundit. Edhe të enjten ishin regjistruar më shumë se 1000 gjoba, ose saktësisht 1073 gjoba.
Për dallim nga këto dy ditët e fundit, PK-ja regjistronte rreth 200 gjoba më pak ndaj qytetarëve të Kosovës për shkelje të ligjit anti-COVID.
Rritja e numrit të gjobave vjen në të njëjtën kohë kur po shënohet rritje e rasteve të reja me COVID-19 në vend. Deri tash në Kosovë janë regjistruar 16502 raste pozitive e 650 raste të vdekjes.
