Një shtetas gjerman vdes në Mitrovicë, dyshohet se u hodh nga dritarja e dhomës së hotelit
Një shtetas gjerman ka humbur jetën sot.
Ai dyshohet se është hedhur nga dritarja e dhomës së hotelit, ku ishte duke qëndruar.
Lajmin për Kohën e ka konfirmuar zëdhënësi i Policisë së Rajonit të Mitrovicës, Avni Zahiti.
“Personi dyshohet se është hedhur nga dritarja e dhomës së hotelit ku ishte duke qëndruar. Rasti po trajtohet si vdekje e dyshimtë. Trupi është dërguar për obduksion”, ka njoftuar zëdhënësi i Policisë së Rajonit të Mitrovicës, Avni Zahiti për “Kohan”.
Mësohet se personi ishte duke qëndruar në Mitrovicë, ndërsa po punonte në një kompani kosovare.
