09:39

Personi që vdiq në Çifllak kishte pësuar sulm në zemër

Personi për të cilin Policia e Kosovës raportoi se ka vdekur në një vetaksident me traktor në Çifllak të Rahovecit, ka vdekur nga sulmi në zemër, e jo si pasojë e aksidentit.

Këtë e ka pohuar për KOHËN djali i tij. 

09:08

Vdes një person në Çifllak të Rahovecit pas një aksidenti me traktor

Një person në fshatin Çifllak të Rahovecit ka humbur jetën të hënën, pasi kishte pësuar aksident me traktorin që po e drejtonte. Ngjarja ka ndodhur rreth orës 11:00 të hënën, ndërsa viktima ishte dërguar në spitalin në Gjakovë ku ishte konstatuar vdekja e tij.

“Është raportuar se viktima mashkull kosovar derisa kishte qenë duke e drejtuar traktorin kishte pësuar vet-aksident. Viktima është dërguar në Spitalin Rajonal në Gjakovë ku nga mjeku është konstatuar se ai kishte ndërruar jetë. Në vendin e ngjarjes kanë dalë të gjitha njësitë relevante policore dhe prokurori i shtetit, me urdhrin e të cilit trupi i pajetë i viktimës është dërguar në IML për obduksion”, është njoftuar në raportin e policisë.